Анчелоти: Мбапе покажа дека понекогаш и јас знам да бидам во право!

Французинот одигра уште еден добар меч во кој постигна гол и имаше една асистенција.

„Вчера реков дека периодот на адаптација на Мбапе заврши, а денеска тој го потврди тоа. Покажа самокритичност, излезе од тешка ситуација и го демонстрираше сиот свој квалитет,“ истакна Анчелоти по натпреварот.

Тренерот на Реал исто така нагласи дека тимот се враќа на победничките патеки по предизвиците во последните месеци.

„Го исправивме тоа што ни недостасуваше: став, колективна посветеност и повеќе трчање. Се вративме на нашето ниво“, дополни тој, осврнувајќи се на тешкиот период по поразот од Милан.

Со оваа победа, Реал Мадрид е втор на табелата, со еден бод помалку од лидерот Атлетико Мадрид и два бода пред третопласираната Барселона.