Српски фрлач на кугла се претвори во Хулк - на раце крена лошо паркиран автомобил (ВИДЕО)

Српскиот олимписки атлетичар, Асмир Колашинец, на несекојдневен начин го решил проблемот со непрописно паркиран автомобил, што предизвика лавина реакции на социјалните мрежи.

Фрлачот на ѓуле наишол на блокиран пат поради возило паркирано делумно на улица, а делумно на тревник. Неможејќи да продолжи, тој излегол од својот автомобил, пријде до непрописно паркираното возило и буквално го преместил за да си го ослободи патот.

„Не само што паркира на трева, туку зафаќа две места,“ иронично прокоментирал Колашинец.

Објавениот видео-снимок предизвика бројни позитивни коментари на социјалните мрежи. Многумина го пофалија неговиот потег, додека некои се нашалија дека неговата сила е поефикасна од пајак-службата.

„Ако пајакот откаже, тука е херојот Асмир за да го реши проблемот,“ гласеше еден од коментарите. Друг додаде: „Можеше на рамо да го крене и да го однесе кај децата за играње.“