Уште еден тенисер суспендиран поради допинг

23 декември 2024 - 11:55

Aвстралискиот тенисер Макс Пурсел, двоен освојувач на грен-слем турнир во парови привремено е суспендиран поради кршење на антидопинг прописи и ќе го пропушти Австралија Опен, објави Меѓународната агенција за интегритет на тенисот.

20-тиот на светот во парови, 26-годишниот Пурсел призна дека користел „забранета метода“ и побара привремена суспензија на 10 декември, не откривајќи дополнителни прекршоци.

Привремената суспензија започна на 12 декември и ќе биде актуелна се до донесувањето на конечната одлука.

Пурсел го освои Вимблдон во 2022 со својот сонародник Мат Ебден, потоа и Ју-Ес Опен во 2023 со Џродан Томпсон.

Ќе потсетиме, оваа година претходно поради допинг скандали во центарот на вниманиеито беа Јаник Синер и Ига Швјонтек.