Лука Станковски во тимот на колото во српската Суперлига (ФОТО)

18 декември 2024 - 14:55

Поранешниот младински репрезентативец на Македонија, Лука Станковски продолжува со одличните настапи во српската лига, а сега се најде и во идеалниот тим на 19. коло.

Станковски од самото доаѓање во Раднички Крагуевац прикажува одлични настапи и е еден од најважните фудбалери на овој тим кој се наоѓа на петто место на табелата.

Викендов Раднички славеше победа на свој терен против Спартак Суботица со 2-0, Станковски немаше среќа да се запише во листата на стрелци, а еден погодок му беше поништен поради недозволена позиција.

Од почетокот на сезоната зад своето име Станковски има три постигнати погодоци.