Нејмар ги „одра“ Саудијците - за секој контакт со топката им зема по 306 илјади евра

08 ноември 2024 - 16:44

Иако лани беше најавен како една од најголемите ѕвезди во првенството на Саудиска Арабија, на прстите од едната рака можат да се избројат настапите на Нејмар во тимот на Ал Хилал.

Лани се повреди на почетокот од сезоната, паузираше една година, па се врати пред две недели за во понеделникот повторно да се повреди по едвај половина час. Сега го очекува пауза меѓу 4 и 6 недели, а за тој период редовно ќе си добива плата и тоа огромна.

Таа изнесува 120 милиони евра годишно, а статистичарите пресметале што направи тој за да ги добие овие пари. Досега постигна само еден гол и три асистенции, по натпревар заработува по 17 милиони евра, а секоја минута чини 280 илјади. Најбизарна е онаа статистика која вели дека за секој контакт со топката досега заработи 306 илјади евра.

Капак на се е тоа што иако практично не беше дел од тимот, минатата сезона се закити и со шампионската титула во првенството на Саудиска Арабија.