Тен Хаг го има прегазено Аморим во Лигата на шампионите! (ФОТО)

30 октомври 2024 - 10:13

Манчестер јунајтед наскоро и официјално ќе го назначи Рубен Аморим за нов тренер, тој ќе биде наследникот на Ерик тен Хаг кој доби отказ, а интересна е една меѓусебна пресметка меѓу овие два тренери.

Во 2021 година, Тен Хаг како тренер на Ајакс му нанесе два тешки порази на Аморим кој и тогаш го водеше Спортинг.

Тоа беше дел од групната фаза во Лигата на шампионите, Ајакс во Лисабон го прегази Спортинг со фантастични 5-1, а во Амстердам го совлада со 4-2.

Во меѓувреме Аморим еволуираше, бидејќи ако се суди според оваа пресметка со Тен Хаг, црно му се пишува на Манчестер јунајтед.