Закариќ: Поддршката од навивачите многу ни значи, се надевам ќе ја имаме и понатаму
Пред овој натпревар преку клупските канали изјава даде еден од најважните фудбалери на црвено-црните Горан Закариќ.
Закариќ најави дека тимот ја искористил репрезентативната пауза да подобри одредени сегменти, а свесен е дека досегашните резултати не се онакви какви што се очекува.
„Нè очекува тежок натпревар в недела. Свесни сме дека во првенството не влеговме онака како што очекувавме, меѓутоа сигурен сум дека ако излеземе на теренот и го дадеме својот максимум резлтатот нема да изостане. Репрезентативната пауза ја искористивме за да подобриме одредени сегменти од играта. Работевме напорно следејќи ги инструкциите на тренерот Захариевски. Знам дека навивачите и сите други кои го сакаат Вардар не се задоволни. Сепак, нивната поддршка навистина ни значи многу и искрено од срце се надевам дека ќе ја имаме и понатаму на следните натпревари“, изјави Закариќ.
Натпреварот помеѓу Беса и Вардар како и останатите натпревари од ова коло се игра во терминот од 14:00 часот.