Се огласи Ристовски по дебаклот на Динамо: Имам само една молба

18 септември 2024 - 08:10

Стефан Ристовски последните години е еден од најдобрите играчи на Динамо, но за жал и тој, како и Аријан Адеми како дел од тимот кој го претрпе најтешкиот пораз во историјата на загрепскиот клуб (2-9).

Сепак, додека многумина ги избегнуваа новинарите по завршувањето на мечот, поранешниот македонски репрезентативец во негов стил, храбро застана пред нив и испрати порака до навивачите и соиграчите.

„Пред се, сакам да им се извинам на сите фанови на Динамо, се надевам дека ќе ни простат и ќе бидат покрај нас. Не е лесно да се излезе и да се коментира по овој пораз. Мораме да бидеме свесни дека не претставуваме само Динамо, туку и хрватскиот фудбал. Сега е најлесно да се впери прстот во некого и да се каже дека е виновен, но само заедно можеме да се извлечеме од оваа ситуација.

Што и да кажам сега е премногу и премалку. Динамо со години градеше имиџ и ова е неприфатливо за сите нас. Имам само една молба - да останеме заедно бидејќи само така можеме да одиме напред“, рече Ристовски.

Зад Динамо е тешка недела во која прво загуби од својот голем ривал Хајдук на домашен терен, а сега доживеа и дебакл во Лигата на шампионите.