Големиот успех одекна и до Австралија: Чичко Дончо испрати моќна порака младите кошаркари!

Освојувањето на првенството во Скопје значи и пласман во „А“ дивизијата за следниот шампионат, а овој успех не помина незабележано и од Чичко Дончо.

„Со голема радост во срцето прочитав за величествениот успех на младите Македонски лавови.Златниот тим, Европски младински шампиони, нашата горда иднина.

Деца мои,храбри Македончиња: Нека ви е честита победата, златото е Ваше и наше. Ние Македонците од сиот свет, а посебно тука во далечната Австралија сме горди што ве имаме. Вие сте нашата надеж и чест. Златото го заслуживте со вашата храброст и огромниот труд, пожртвуваноста и големата борба. Битката е добиена, ви останува да се потврдите и понатаму. Вие и вашето водство можете и ќе покажете на сиот свет каде е и која е Македонија.

Продолжете ги стапките на сите Македонски спортисти, во минатото и во сегашноста. Вие сте нашите нови Комити, нашата светла иднина.

Благодарам на ВМРО и на Премиерот, на Македонската кошаркарска Федерација и на сите спортски работници за несебичната подршка на младите Македонски лавови.

Само храбро во натамошните битки и победи“, стои во обраќањето на Дончевски.

Македонија до златото стигна со перфектни осум победи во исто толку натпревари.