Пелистер го победи ТФТ во драматичен финиш во АБА 2

17 ноември 2023 - 20:20

Кошаркарите на Пелистер со 83-79 славеа над ТФТ Скопје на во четвртото коло од АБА 2 лигата кое се играше на турнирот во Златибор.

Двата македонски тима одиграа изедначен меч, Пелистер и ТФТ имаа свои моменти, се менуваа во водството, а финишот им припадна на битолчани.

ТФТ имаше предност од 77-74, од тој момент до крајот успеаа да постигнат само два поени, за разлика од Пелистер кој даде девет и го доби мечот со 83-79.

Најдобар во составот на Пелистер беше Планиниќ со 23 поени, Мијовиќ постигна 16, кај ТФТ најефикасен беше Ташовски со 21 поен, Верц постигна 14.