Петрушев има „страшно“ НБА деби – смени повеќе тимови од што постигна поени!

08 ноември 2023 - 11:54

На српскиот кошаркарски репрезентативец, Филип Петрушев, нема баш најдобра дебитантска сезона во НБА, откако смени повеќе тимови во само еден месец од што постигна поени во овој период.

Тој летово потпиша за Филаделфија севентисиксерс, за која одигра само три минути пред да биде трејдуван во ЛА Клиперс, кои веднаш го препратија во Сакраменто кинг, од каде што, пак, доби прекоманда во развојната Џи-лига да игра за Стоктон кингс.

Иако беше прекомандуван во Стоктон кингс, сепак Сакраменто во меѓувреме реши повторно да го врати српскиот репрезентативец во свои редови.

Петрушев зад себе има три години професионална кошарка во кои играше за Мега, Анадолу Ефес и Црвена звезда. Тој беше избран на драфтот во НБА во 2021 година како 50. пик по две години студирање на Универзитетот Гонзага.

Минатата сезона во Евролигата имаше просек од 10,7 поени и 5,2 скока за 23 минути на теренот.