Дуплантис постави нов светски рекорд во скок со стап – од прва скокна 6,23 метри! (ВИДЕО)

18 септември 2023 - 07:40

Шведската атлетска ѕвезда и актуелен светски рекордер, Арманд Дуплантис постави нов светски рекорд во скок со стап откако во финалето на Дијамантската лига во Јуџин, од прва скокна 6.23 метри.

Дуплантис кој го држи и рекордот во сала од 6,22 метри, скокна во првата серија за нов светски рекорд, само една година откако на истото место го постави веќе сега вториот најдобар скок на сите времиња на отворено, откако лани скокна 6,21 метар.

Швеѓанецот е единствен кој успеал да скокне над 6,16 метри и досега за седум сантиметри седумпати по ред го подобруваше светскиот рекорд до актуелните 6,23 метри.