Младинците доцна се разиграа, колку да го избегнат „фенерот“ (ФОТО)

Во мечот за 15. позиција, нашите кошаркари ја победија Црна Гора со 81-69 за барем делумно да ја спасат честа и да го избегнат „фенерот“ на првенството. Натпреварот немаше големо резултатско значење бидејќи ионака двете репрезентации догодина ќе играат во Б-дивизијата.

Клучни за победата на македонската репрезентација беа втората и третата четвртина кои ги доби со вкупен резултат 51-27 и тогаш ја создаде предноста која беше доволна да дојде до триумф. Победата ќе беше и поубедлива ако Македонија не му дозволеше на противникот серија од 10-0 во последните три минути од мечот.

Теодор Симиќ со 15 поени беше најефикасен во македонската репрезентација, а се истакнаа уште Стојаноски и Бојчев со по 13 поени, Бошалески со 12 поени и Иванов со 11 поени.