Французинките ги намачија Американките во борбата за злато

11 август 2024 - 17:32

Домаќинот Франција пружи одличен отпор на фаворизираните Американки во финалето на женскиот кошаркарски турнир во Париз, но сепак на крајот златото заврши кај фаворитот.

Почетокот на натпреварот донесе тврда игра со малку поени, па на пауза се замина со вкупно постигнати 50 поени, по 25 надвете страни.

Стартот на вториот дел донесе поефикасна игра на двете селекција, меѓутоа неизвесноста беше присутна до самиот крај.

На минута ипол до крајот САД водеше со 60-59, Франција не се откажуваше, меѓутоа немаа и среќа па го загубија натпреварот со 67:66. 

Најефикасна во редовите на победничкиот табор беше Аџаја Вилсон со 21 поен, додека Габи Вилијамс од редовите на Французинките ја заврши средбата со 19 поени.