Дончиќ ќе настапи за Словенија на Евробаскетот

06 декември 2024 - 12:35

Словенија се пласира на Евробаскетот, кој ќе се одржи следната година, а еден од најдобрите кошаркари во светот Лука Дончиќ потврди дека ќе настапи за неговата репрезентација.

Дончиќ кажа дека се радува на настапот на Словенија на Европското првенство и ќе даде сè од себе за неговата татковина.

„Се радувам што ќе играм за Словенија. Тоа за мене е посебна гордост. Ќе продолжам и во иднина да играм за мојата земја“, кажа кошаркарот на Далас.