ЦСКА го промовираше Рајковиќ: Ќе играме агресивна одбрана и брзи напади

Рајковиќ пред новинарите зборуваше за очекувањата во новиот тим, неговиот личен живот, но и тренерската кариера.

„Да се биде тренер на ЦСКА Москва е голема чест, но и одговороност, а за мене е награда за сè што сум постигнал досега. На навивачите сакам да им кажам дека сум среќен што пристигнав тука, иако не играме во Евролигата, сепак очекувам возбудувања во ВТБ-лигата. Мислам дека го имам потребното искуство кое ќе ми помогне во Москва“, кажа Рајковиќ.

Македонскиот стратег го пофали претходниот тренер на ЦСКА, Итудис и кажа дека екипата играла одлична кошарка под негово водство, по што откри на што ќе се фокусираат.

„Главна цел ќе ни биде агресивна одбрана, но и брзи напади. Мислам дека ќе биде интересно за навивачите, но и корисно за клубот“, вели тренерот.