Србија без сили за изненадување: Австралија издоминира за полуфинале во Париз

Натпреварот од почетокот до крајот помина во знакот на Австралија, Србинките немаа никаква шанса да направат некакво изненадување. Победата беше најавена веќе во првата четвртина која Австралијките ја добија со 17:26.

Во втората четвртина Австралија заигра уште подобро, па на одморот замина со предност од 18 поени разлика (32:48).

Србија немаше решение за одличната игра на Австралија и во вториот дел, па така предноста одеше и до 28 поени разлика. Се што направи Србија до крајот беше само ублажување на поразот.

Најдобра на теренот беше Смит со дабл-дабл од 22 поени и 13 скока, а 18 постигнаа Џорџ и Мелбурн. Ногиќ во редовите на Србија уфрли 17 поени.