Партизан брутално ограбен од судиите – премногу грешки против Монако!

Поранешниот судија, Тод Ворник, изрази загриженост, тврдејќи дека тимот од Белград бил ограбен, наведувајќи вкупно шест судиски грешки, од кои пет биле во корист на Монако. Тој редовно анализира спорни одлуки за „Баскет Њуз“, а овој пат истакна две клучни грешки од страна на судиите Емилио Перез, Јанис Фуфис и Карлос Кортес. Првата грешка се случила на 5:44 минути до крајот на мечот, кога Метју Стрезел постигна поени од очигледен аут, а судиите ги признаа поените и покрај протестите од клупата на Партизан.

Втората спорна ситуација се случи при резултат 76-73 за Монако, кога Ифе Лундберг изведе две слободни фрлања. Тој погоди првото, но изведувањето на второто се покажа како проблематично, бидејќи двајца кошаркари на Монако влегоа во рекетот пред топката да го погоди обрачот, што им овозможи предност во освојувањето на скокот.

Покрај овие, Ворник наведе и други грешки, вклучувајќи пропуштен фаул од Диало над Џонс, како и несоодветна лична грешка на Ели Окобу над Тајрик Џонс. Судите исто така досудија прекршок на Вања Маринковиќ над Окобу, кој не беше направен при шут, но и покрај тоа беа доделени две слободни фрлања.