Дончиќ испиша историја, Словенија првпат победи на Евробаскетот!

На теренот доминираше Лука Дончиќ кој за првпат во кариерата запиша трипл-дабл во дресот на репрезентацијата, но исто така Лука стана и само четвртиот кошаркар со двоцифрена бројка во три категории во историјата на европските првенства. Ѕвездата на Лејкерс ја заврши средбата со 26 поени, 10 скокови 11 асистенции и три украдени топки.

Единственото водство Белгија го имаше со почетните 0-2, се во продолжение помина во знакот на кошаркарите на Словенија. По првиот период, Словенија водеше со 16-10. Подобрата игра на Словенија продолжи и во втората четвртина кога за првпат дојдоа до двоцифрена разлика (23-12).

Сигурното водство Словенија го задржа и до паузата кога на семафорот сотеше 43-31.

Во продолжение во ниту еден момент Белгија не беше закана за високото водство на фаворитот во овој натпревар, па така словенечките  кошаркари со подобра игра и го зголемија водството за конечни 17 поени разлика. Покрај Дончиќ, се истакна уште и Препелиќ со 12 поени, кај Белгија најефикасен беше Ван Влет со 15 поени.

Претходно на првенството Словенија ги загуби натпреварите со Полска и Франција.

Во вториот натпревар кој се играше во истиот термин Грција продолжи со добрите настапи и ја забележа третата победа, сега против Грузија со 53-94.

Најдобар на теренот беше Јанис Адетокумбо со 27 поени, осум скока и четири асистенции, го следеше Митоглу со 17, додека за Грузија Мамукелашвили уфрли 14.

Фото: FIBA