Синот на Леброн Џејмс направи скандал – нападна навивачка на меч во Детроит (ВИДЕО)

Во центарот на вниманието се најде Брони Џејмс, кој влезе во жесток вербален конфликт со навивачка сместена во првиот ред до паркетот. Ситуацијата ескалираше до тој степен што мораше да интервенира персоналот на клубот за да го задржи кошаркарот и да го отстрани од местото, спречувајќи поголем инцидент.

За време на тензичната расправа, телевизиските камери успеаја да го уловат моментот во кој синот на Леброн Џејмс ѝ се обраќа на навивачката со провокативни прашања.

„Дали можеш да истрчаш една милја? Колку пари заработуваш?“, гласеа зборовите на Брони упатени кон трибините.

Нервозата кај 22-годишниот кошаркар најверојатно произлегува од фактот што тој, заедно со дебитантот Камерон Кар, неодамна беше прекомандуван во тимот на Коачела во развојната Џи-лига, откако не успеа да се наметне во своите први две сезони. Оваа година тој забележа очајна статистика од само 0,8 поени по натпревар на пет одиграни средби, пред франшизата да ја донесе одлуката за негова преселба.

Инцидентот на младиот Џејмс не беше единствен на овој натпревар, бидејќи во слична ситуација се најде и Остин Ривс. И покрај тоа што Ривс одигра феноменален натпревар и ја презеде улогата на прва ѕвезда на Лејкерси во отсуство на повредениот Лука Дончиќ, бележејќи 43 поени, пет скока и четири асистенции, тој исто така влезе во конфликт со навивач во првите редови. Неговата расправа се случи буквално среде еден од нападите на теренот, што дополнително ја шокираше јавноста и фрли дамка на неговиот одличен индивидуален настап против Детроит.