Манчестер Јунајтед потона на дното: Првпат по 40 години е во зоната за испаѓање!

08 ноември 2026 - 21:45

Манчестер Јунајтед минува низ еден од најтешките периоди во својата историја, а кризата на „Олд Трафорд“ доби и историска димензија. Англискиот гигант првпат по цели 40 години се најде во зоната за испаѓање од најсилната англиска лига, откако резултатите од викендот го турнаа меѓу последните три екипи на табелата.

Пресуден беше неочекуваниот триумф на Нотингем Форест над Манчестер сити со 3-1. Со оваа победа Форест се искачи над опасната зона, а Јунајтед падна на 18. место, со само седум бода по девет одиграни натпревари. Последен пат „црвените ѓаволи“ биле во ваква ситуација во оваа фаза од сезоната во ноември 1986 година, кога по 15 кола се наоѓале на 21. позиција.

Тогаш лошите резултати ја чинеле работното место Рон Аткинсон, а на негово место пристигнал Сер Алекс Фергусон – човекот кој подоцна го претворил клубот во една од најголемите фудбалски сили во светот. Мајкл Керик го предводи тимот во сезоната во која Јунајтед го бележи најлошиот старт во ерата на Премиер-лигата. Последната првенствена победа пред овој викенд ја остварија на 30 август, кога со 5-2 го совладаа Ипсвич.

Ситуацијата дополнително се влоши и по ремито 4-4 со Астон вила на Олд Трафорд. Јунајтед успеа да избегне пораз со голот на Патрик Доргу во судиското продолжение, но освои само бод и сега има осум поени по десет натпревари, останувајќи на 18. место.

Пред тимот е репрезентативната пауза во која нема да биде изненадување ако клубот го отпушти Керик и донесе нов менаџер на негово место.