Почна НБА плејофот: Индијана тргна со убедлива победа над Милвоки! (ВИДЕО)

19 април 2025 - 21:58

Се одигра првиот меч од НБА плеј-офот за оваа сезона, а во него Индијана со 117-98 го совлада Милвоки и поведе со 1-0.

Индијана ја искористи предноста на домашен терен и лесно дојде до триумфот над Милвоки. Победникот беше решен уште во првото полувреме кое домаќините го добија со 24 поени разлика, 67-43.

Во текот на третиот период беше и највисоки 28 поени разлика, а до крајот на мечот Милвоки успеа само да намали дел од негативата за конечна победа на Индијана од 117-98.

Сиакам со 25 поени беше најефикасен во составот на Индијана, кај Милвоки убедливо најдобар беше Адетокумбо кој реализираше 36 поени, а имаше и 12 скокови.