Леброн импресиониран од Дончиќ: Човеку тоа е лудо! (ВИДЕО)

28 март 2023 - 11:43

Лука Дончиќ уште еднаш го поведе Далас кон победа, овој пат над Индијана (127-104) при што запиша 25 поени, седум скока и пет асистенции, за само 28 минути на теренот. Меѓутоа, еден од неговите потези не помина незабележан од Леброн Џејмс.

На официјалната Твитер-страница на НБА-лигата, беше објавено кратко видео од една нестварно добра асистенција на Дончиќ, затворен во аголот од теренот од двајца противници. Леброн Џејмс само го презеде тој твит и додаде свој коментар на чудесијата која ја изведе Дончиќ:

„Човеку тоа е едноставно лудо!“, напиша „Кралот“.

Ова беше 49. натпревар сезонава во кој Дончиќ има барем 25 поени и по пет скока и асистенции и е убедливо најдобар во таа категорија во НБА.