Леброн Џејмс сруши рекорд на Џордан во лесниот триумф над Атланта (ВИДЕО)

Во победата на ЛА Лејкерс над Атланта Хоукс (119-102), „Кралот“ блесна со 30 поени, достигнувајќи вкупно 563 вакви средби во својата кариера. Леброн со овој подвиг го надмина легендарниот Мајкл Џордан, кој за своите 562 натпревари со најмалку 30 поени му беа потребни 15 сезони и 1.072 натпревари. Џејмс, пак, го постигна рекордот во својата 22-ра сезона и по 1.523 одиграни натпревари.

Остин Ривс додаде 20 поени за Лејкерс, кои го контролираа натпреварот од почеток до крај. На спротивната страна, Тре Јанг се истакна со 33 поени за Атланта, но неговата одлична партија не беше доволна да спречи уште еден пораз за тимот. Џејлен Џексон додаде 19 поени за гостите.

Бостон Селтикс, пак, ја продолжи својата победничка серија со убедлив триумф над Хјустон Рокетс (109-86). Вајт со 23 и Тејтум со 20 поени беа лидери на тимот, додека кај Рокетс, Грен беше најефикасен со 27 поени.

РЕЗУЛТАТИ: Детроит – Шарлот 98-94, Торонто – Орландо 97-106, Оклахома – Њујорк 117-107, Њу Орлеанс – Вашингтон 132-120, Хјустон – Бостон 86-109, Далас – Кливленд 122-134, Сакраменто – Мемфис 138-133, Денвер - Сан Антонио 110-113,  ЛА Лејкерс – Атланта 119-102.