ФБИ се вклучи во истрага по грабежот во домот на Дончиќ

31 декември 2024 - 14:09

Словенечкиот кошаркар Лука Дончиќ неодамна беше ограбен, откако крадци влегле во неговиот дом, а со идентични проблеми се соочија и други спортисти поради што е почната истрага во Америка.

Американските медиуми пишуваат дека ФБИ се вклучил во истрагата, а според нивните извештаи, крадците бараат жртви кои во своите домови имаат скапоцени предмети, како скапи чанти, накит, часовници и слично.

Познато е дека досега крадците влегле во девет куќи на професионални спортисти во период од септември до ноември 2024 година, а ФБИ во моментов ги бара членовите на организираната криминална банда.