Денвер без Јокиќ е како група граѓани (ВИДЕО)

05 јануари 2026 - 08:22

Екипата на Денвер Нагетс го доживеа четвртиот пораз во последните пет натпревари откако синоќа загуби на гости кај Бруклин Нетс со 115-127.

Отсуството на Никола Јокиќ му прави големи проблеми на шампионот од 2023 година кој полека го губи тлото под нозете и е во опасност да падне на петтата позиција во Западната конференција. Ова беше петти натпревар од турнејата низ Источната конференција од каде остануваат уште два меча, против Филаделфија и Бостон.

Синоќа играше против еден од најслабите тимови во лигата, но и покрај тоа Денвер постојано беше во негатива и на крајот заслужено загуби. Јокиќ го пропушти четвртиот натпревар по ред, а според прогнозите, нема да биде во екипата до крајот на јануари.

Мајкл Портер Џуниор им се одмазди на Нагетс откако беше разменет за Кам Џонсон и беше најефикасен поединец со 27 поени, 11 скока и 5 асистенции, додека Ноа Клоуни постигна 22 со 6 скока, Томас и Шарп додадоа по 17, а Јегор Дјомин и Заир Вилијамс имаа по 13 поени.

Во редовите на Денвер, Џамал ​​Мареј постигна 27 поени и дури 16 асистенции, Тим Хардавеј Џуниор помогна со 26 поени, Пејтон Вотсон со 23, а Арон Гордон со 20 поени, 6 скока и 2 асистенции.

РЕЗУЛТАТИ
ЛА Лејкерс - Мемфис 120-114
Сакраменто - Милвоки 98-115
Феникс - Оклахома 108-105
Мајами - Њу Орлеанс 125-106
Вашингтон - Минесота 115-141
Бруклин - Денвер 127-115
Орландо - Индијана 135-127
Кливленд - Детроит 110-114