Олимпијакос потврди: Петрушев се врати во европската кошарка

27 ноември 2023 - 23:37

По неуспешната епизода во НБА лигата, српскиот репрезентативец Филип Петрушев официјално се врати на „стариот континент“ и тука ќе ја продолжи својата професионална кариера.

Поранешниот играч на Црвена Звезда, Анадолу Ефес и Мега потпиша договор на три години со Олимпијакос откако во период од еден месец смени три екипи во НБА: Филаделфија, Лос Анџелес Клиперс и Сакраменто. Настапи на три натпревари со вкупно 3,3 минути и три поени што е далеку од посакуваното во својата прва епизода во најсилната светска кошаркарска лига.

Петрушев веднаш ќе му се стави на располагање на Јоргос Барцокас и се очекува да дебитира веќе в четврток, на гостувањето кај Монако, во 11. коло од Евролигата.