Навивачите на Тофаш го претставија Емил Рајковиќ како – Александар Македонски (ФОТО)

22 јули 2025 - 18:47

Најдобриот македонски тренер во моментов, а според биографијата дефинитивно и на сите времиња, Емил Рајковиќ, следната сезона ќе го предводи турски Тофаш, каде што е пречекам фантастично и каде што во него гледаат предводник кој ќе ги вмеша во рамноправна битка со гигантите како Фенербахче, Ефес, Бешикташ и Галатасарај.

Тој пред неколку недели официјално потпиша договор со турскиот прволигаш, а колку е ценат во новата средина покажува денешната објава на социјалните мрежи на навивачите на овој тим. На објавената фотографија, искусниот тренер е претставен со македонското знаме, но и со слика од споменикот на Александар Велико од Скопје, како симболична споредба со големиот освојувач од античкото време.

Зад Рајковиќ се години во кои се етаблира како фантастичен тренер на меѓународна сцена, а како кулминација на тоа беше двегодишната работа во еден од најголемите европски кошаркарски клубови, ЦСКА Москва.