Кошаркар на Фенербахче за малку ќе останеше без око - доби паричка во глава (ВИДЕО)

03 декември 2023 - 08:44

Дербито од турското кошаркарско првенство помеѓу Бешикташ и Фенербахче донесе се освен кошарка, а можеше и да заврши трагично за плејмејкерот на гостинскиот тим, Јам Мадар.

Атмосферата беше жешка, домашните навивачи дивееја од самиот почеток, што кулминира во вториот период кога средбата беше во прекин, но и кога Израелецот само се струполи на паркетот. Дури подоцна стана јасно дека е нешто сериозно, а тренерот на Фенер, Димитрис Итудис, објасни дека Мадар дури можел и да остане без око ако паричката го погодела само неколку милиметри подолу.

Тој храбро остана на теренот и мечот го догледа од клупата со преврска на главата. Прекинот траеше десетина минути, по што средбата се доигра и заврши со триумф на Бешикташ (68-64).