Црвена звезда победи во Евролигата што предизвика еуфорија кај – Гробари!

23 март 2023 - 21:16

Кошаркарите на Црвена звезда дојдоа до само втората победа во последните шест меча во Евролигата, откако вечерва, на домашен терен, ја совладаа Басконија (74-63) со што не само што ги израдуваа своите навивачи туку предизвикаа еуфорија и кај фановите на најголемиот ривал, Партизан.

Причина за ова е фактот што шпанскиот тим е директен ривал на црно-белите во борбата за место во плејофот, за кој црвено-белите, пак, одамна немаат никакви шанси. Но, тоа не ги спречи да дадат се од себе и со одлична игра да дојдат до посакуваната победа.

Прв поентер кај „црвено-белите“ беше Недовиќ со 20 поени, додека за Басконија се истакна Томпсон со 15 поени. На четири кола до крајот на лигашниот дел во Евролигата, Ц. Звезда е на 14. место, додека Басконија како деветопласирана во моментов ќе ја продолжи битката за плеј-оф со Жалгирис, Партизан и Макаби.