Бартомеу по 22 години си оди од Евролигата

26 мај 2022 - 16:55

Жорди Бартомеу повеќе нема да биде генерален директор на Евролигата, откако таква одлука донесоа клубовите на состанокот кој се одржа денеска, а информацијата ја пренесе „Јурохупс“.

Клубовите уште во октомври минатата година донеле таква одлука, меѓутоа сега повторно седнале на состанок да разговараат за неговата иднина.

Шпанските клубови се обиделе да ги убедат останатите членови да го променат мислењето, но тоа не се случило, па Бартомеу по 22 години заминува од елитното натпреварување.

Наскоро ќе биде поставена неговата замена, а се шпекулира дека тоа ќе биде Дејан Бодирога.