Победничкиот кош на Блокотехна: Мијатовиќ со цепелин од аут го сруши шампионот! (ВИДЕО)
Круна на овој спектакуларен натпревар беше начинот на кој гевгеличани дојдоа до победата со која речиси го зацементираа третото место пред плејофот и тоа преку ветеранот Данило Мијатовиќ на 1,2 секунди до крајот. Тимот предводен од тренерот Марјан Илиевски имаше само четири секунди за да поентираат при негатива 88-89, што на крајот се покажа како доволно.
Акцијата почна со странично изведување, по што следеа серија блокови по кои Мијатовиќ заврши под самиот кош, каде што доби милиметарско прецизно цепелин-додавање од Кенет Фундербург кои умешно го претвори во победнички кош. Епилогот, разбирливо, донесе огромна радост кај сите во таборот на Блокотехна, како и разочарување кај центарци. Тоа, пред сѐ, се однесува на тренерот Марин Докузовски и ветеранот Димитар Мираковски кои најбурно реагираа, очекувано со оглед што овој пораз значеше и крај на надежоте за стартната позиција број еден пред плејофот.