МЗТ во вториот дел го „скрши“ Феникс за втор триумф во сезоната

12 октомври 2025 - 22:23

Eкипата на МЗТ Скопје без поголеми проблеми дојде до својата втора победа во првенството откако денеска со 91-75 славеше над Феникс.

Гостинскиот состав имаше доба рпочеток и притиснаа во првото полувреме, сепак шампионот во продолжение го обезбеди триумфот.

Првото полувреме помина во изедначена игра во која и двете екипи го менуваа водството, а на пауза се замина со нерешен резултт (43-43).

Сепак, по враќањето на паркетот во вториот дел момците на Атанасов „додадоа“ гас“ и веќе по крајот на третата четвртина водеа со двоцифрена разлика (69-57). Сигурната игра на „штрковите“ продолжи и во последниот период кога само ја потврдија втората победа во сезоната.

Американците Смит и Мекејден беа најефикасни со по 25, односно 15 поени, додека на спротивната страна Рахама уфрли 21 поен.