Враќање во минатото: Двата болиди на Мерцедес ќе стартуваат први на Силверстон!

06 јули 2024 - 18:11

Возачот на Мерцедес, Џорџ Расел, кој победи минатиот викенд на трката во Австрија, денеска ја освои пол позицијата во пресрет на утрешната трка за Големата награда на Британија.

Тој имаше најдобро време во квалификациите возејќи речиси совршено на тазе исушената патека Силверстоун, па утре (16 часот) ќе има можност да дојде до втората победа по ред. Доказ дека нешто на подобро се менува во Мерцедес е фактот што веднаш зад него е неговиот клупски колега, Луис Хамилтон, кој за влакно ја испушти 105. победа во квалификациите. Третото најдобро време го постигна уште еден Британец - Ландо Норис од Мекларен, кој не успеа да ги повтори тренинзите, кога се чинеше дека е убедливо најбрз на патеката.

Зад првите тројца е шампионот Макс Верстапен (Ред Бул), додека на врвот се пласираа и Оскар Пјастри (Мекларен), Нико Хулкенберг (Хаас), Карлос Саинц (Ферари), Ленс Строл (Астон Мартин), Александар Албон (Вилијамс) и Фернандо Алонсо (Астон Мартин). Големо разочарување беше Шарл Леклер, кој во болидот на Ферари не стигна ниту до третиот квалификациски круг и ќе стартува како 11-ти, додека Серхио Перез (Ред Бул) повторно имаше проблеми и поради излетување од патеката ќе биде претпоследен на стартот на утрешната трка.