Ужас за Ферари во Холандија, Пјастри победник во Зандворт!

31 август 2025 - 16:56

Возачот на Мекларен, Оскар Пјастри, дојде до уште една победа во шампионатот, откако на патеката во Зандворт успеа да ги остави зад себе Макс Ферстапен и Исак Хаџар, кој за првпат во кариерата се искачи на подиумот.

Ферстапен, кој возеше пред домашната публика ја заврши трката на второто место, додека младиот Хаџар импресионираше со своето трето место.

Ландо Норис немаше среќа и на само шест круга до крајот беше принуден да ја заврши трката поради проблем со моторот. Тоа само ја зголеми бодовната разлика меѓу него и тимскиот колега Пјастри, таа изнесува 34 бода.

Tрката во Холандија беше огромно разочарување за Ферари кој остана без своите двајца возачи, крајот не го дочекаа ниту Хамилтон, ниту Леклер. Британецот загуби контрола на болидот, излета и се заби во оградата, а подоцна иста судбина доживеа и Леклер кој во дуел со Антонели беше оттурнат од патеката, исто така во кривината број три.