Фуксе Берлин прокоцка „плус пет“, Веспрем ја доби првата битка!

30 април 2026 - 20:27

Ракометарите на Веспрем триумфираа со 35-34 против Фуксе Берлин во првиот четвртфинален натпревар во Лигата на шампиони (ЛШ).

Фуксе Берлин беше подобар тим на паркетот во првото полувреме (20-17), а водеше и со 26-21 во вториот дел, но Веспрем почна да се буди во завршницата и да ја топи негативата.

Во драматична завршница, Веспрем успеа да направи и целосен пресврт за на крајот да слави со 35-34.

Најефикасни во победничкиот тим беа Уго Деска и Иван Мартиновиќ со по осум голови, додека Марсел Гидсел запиша 13 погодоци.

Фото: Facebook/Veszprém Handball Club