Стравичен пад на Маркез, Квартараро на пол-позицијата во Малезија (ВИДЕО)

02 ноември 2019 - 10:24

Светскиот шампион Марк Маркез имаше опасно излетување за време на вториот циклус во квалификациите за Големата награда на Малезија. 

Шпанецот загуби контрола при еден свиок на патеката „Сепанг“ и имаше стравичен пад. Тоа значеше дека мотоциклистот на Хонда ги загуби шансите за висок пласман и на утрешната трка ќе стартува како 11-ти. Маркез мина без посериозни повреди и би требало да биде целосно фит да вози.

Фабио Квартараро ја освои пол-позицијата од тимот на Петронас Јамаха СРТ, а првиот стартен ред целосно го окипираше Јамаха, бидејќи како втор ќе тргне Маверик Вињалес, а трет Франко Морбидели.

Потоа следуваат Џек Милер, Кал Крачлоу, Валентино Роси, Алекс Ринс, Данило Петручи, Јохан Зарко и Андреа Довициозо.