Иџе доминираше во Котор и го освои првото место!

03 мај 2026 - 21:23

Македонскиот автомобилист Игор Стефановски - Иџе оствари голема победа на ридско-брзинската трка во Котор, Црна Гора.

Иџе се натпреваруваше рамо до рамо со повеќе од 130 врвни возачи, а македонскиот автомобилист беше најбрз на патеката и оствари голема победа.

Трката, која ја организираат Автомобилскиот и картинг сојуз на Црна Гора и АМСК Котор, претставува важен настан што се бодува за шампионатот на Црна Гора, првенството на Хрватска, како и за Адриатик и Котор куповите.