УЕФА не дозволува да се одложи мечот Интер-Лудогорец: Ќе се игра пред празни трибини!
Премиерот на земјата, Џузепе Конте, потврди дека повеќето мечеви веројатно ќе бидат одложени и следниот викенд.
Исто така, беше доведен во прашање и натпреварот во Лигата на Европа, меѓу Интер и Лудогорец. Реванш натпреварот од 1/16 финалето треба да се одигра во четврток, а се зборуваше дека мечот дури може да биде и одложен.
Но, италијанските медиуми пренесуваат дека УЕФА објавила дека овој натпревар мора да се одигра, а скоро сигурно ќе биде на празни трибини на стадионот „Џузепе Меаца“.
Интер славеше со 2-0 во првиот натпревар и веќе е на чекор до пласман во осминафиналето во Лигата на Европа.