УЕФА има две опции како да се заврши сезоната

25 март 2020 - 19:07

Европската куќа на фудбалот (УЕФА) разгледува две опции околу завршувањето на домашните првенства се со цел да се припази терминот на одигрување на Европското првенство во фудбал, кое е презакажано за наредната година.

Имено, првата опција е да се завршат сите лиги, а потоа да се играат натпреварите во Лигата на шампионите и во Лигата на Еворпа. Но, многу луѓе не мислат дека ова е вистинската опција.

Што се однесува до втората опција, која е многу поверојатна, е тоа и двете натпреварувања (домашни и европски) да се играат истовремено. Но, интересно, УЕФА размислува да ја заврши сезоната дури на 30 август.

Во сето ова, летниот рок би траел, а играчите би одмарале во септември. Новата сезона според таа опција ќе започне на почетокот на октомври и нема да има зимски рок. Но, сè уште е рано да се зборува за сето ова, бидејќи сè уште нема индикации кога може да продолжи сезонава.