Германија покажа моќ, Шродер ги разбуди Финците од најубавиот сон!

12 септември 2025 - 17:52

Репрезентацијата на Финска со пласманот во полуфиналето го направи својот најголем успех во историјата, но денес против моќната Германија не може да приредат ново изненадување и беа поразени со 98-86.

Првата четвртина донесе изедначена битка во која во првата половина Финска имаше предност, но потоа Германија го презема водството и го доби тој период со 30-26.

Втората четвртина се покажа и како одлучувачка, Германците тука беа подобар противник и ја добија со 31-21, а таа разлика (61-47) се покажа како недостижна за репрезентацијата која беше најголемо изненадување на Евробаскетот.

Не се откажаа Марканен и друштвото, третиот период го добија со 20-26, па во последната четвртина влегоа со негатива од „минус осум“ која им даваше надеж дека можат да направат пресврт (81-73)

Сепак, Германија тука одново „додаде гас“ и не дозволи да ја испушти предноста. Најдобар на теренот во редовите на Германија со дабл-дабл беше Денис Шродер кој средбата ја заврши со 26 поени, 12 асистенции и четири скока.

Зад него следеше Вагнер со 22 поени, пет скока и една асистенција. Оливер Нкамоуа уфрли 21 со седум скока и две асистенции, додека Марканен средбата ја заврши со осум скока и една асисенција.

Вечерва со почеток од 20:00 часот во второто полуфинале силите ќе ги одмерат Грција и Турција.