Трогателно: ПАОК прв даде гол во Лион, стрелецот одби да слави и само гледаше во небото!

Фудбалот оваа вечер е во втор план на стадионот во Лион. Иако ПАОК стигна до рано водство, славје немаше. Стрелецот на голот веднаш по погодувањето мирно ги подигна рацете кон небото, а соиграчите му се придружија во немо оддавање почит на загинатите приврзаници на „црно-белите“ од Солун. Набргу потоа, фудбалерите на Лион успеаја да израмнат. Пред почетокот на дуелот, навивачите се собраа за да им оддадат почит на настраданите пријатели, а атмосферата на стадионот јасно покажуваше дека резултатот е од второстепено значење.

Натпреварот се игра во сенката на страшната сообраќајна несреќа што се случи во вторникот во Романија, кога во судир меѓу изнајмен минибус и товарен камион животот го загубија седум навивачи на ПАОК, додека тројца се хоспитализирани. Наполувреме од мечот во Лион резултатот е 1-1.