Реми со шест гола во Истанбул, Галатасарај пропушти победа против Динамо Киев! (ВИДЕО)

Галатасарај може да жали за ова реми затоа што во два наврати имаше по два гола предност и не успеа да ги освои сите три бода.

Мечот започна како од соништата за Галата, со гол на Санчез уште во 6. минута поведоа со 1-0, а веќе во 21. минута беше 2-0 за нив откако гол постигна и Бардакчи.

Пред самиот крај на првото полувреме Ванат намали на 2-1 и го врати Динамо Киев во игра.

По осум минути игра во вториот дел, Виктор Осимен реализираше од пенал за предност на Галата од 3-1. Во тие моменти се наликуваше дека турскиот тим ќе победи, но Украинците не се откажуваа.

На сцена стапи Јармоленко кој во игра влезе во второто полувреме. Тој најпрво намали на 3-2 во 68. минута, а во 81. ги постави конечните 3-3.