Почнува спектаклот во Германија: Италија го брани трофејот на ЕП

14 јуни 2024 - 11:05

Конечно почнува Европското првенство (ЕП) во Германија на кое 24 репрезентации ќе се борат за престижниот трофеј, а турнирот вечерва од 21 часот ќе го отворат домаќинот и Шкотска.

ЕП ќе се игра од 14 јуни до 14 јули, а титулата ја брани Италија која пред три години на пенали ја совлада Англија и го крена пехарот.

Натпреварите од турнирот се играат во 10 градови, односно Берлин, Минхен, Дортмунд, Штутгарт, Гелзенкирхен, Франкфурт, Хамбург, Дизелдорф, Келн и Лајпциг.

Турнирот ќе почне со групната фаза, во која 24 селекции ќе бидат поделени во шест групи, при што двете најдобри од секоја ќе се пласираат во нокаут-фазата, а пласман во следната фаза ќе има и за четири репрезентации кои се третопласирани.

Групна фаза:

Група А: Германија, Шкотска, Унгарија, Швајцарија

Група Б: Шпанија, Хрватска, Италија, Албанија

Група Ц: Словенија, Данска, Србија, Англија

Група Д: Полска, Холандија, Австрија, Франција

Група Е: Белгија, Словачка, Романија, Украина

Група Ф: Турција, Грузија, Португалија, Чешка