Несреќата не оди сама - уште еден играч на ПСЖ пред долга пауза

Тренерот Луис Енрике паднал од велосипед и ја скршил клучната коска поради што мора на итна операција, во петокот се повреди најдобриот играч во тимот Усман Дембеле, а слична судбина доживеал и еден од најдобрите млади фудбалери во светот Дезире Дуе. Тој има повреда на листот поради што го очекува пауза од околу четири недели, додека Дембеле ќе паузира безмалку месец и пол.

Сето ова значи дека ПСЖ најверојатно ќе биде драстично ослабен за дуелот против Барселона кој е закажан за второто коло од Лигата на шампионите, на 1 октомври во Каталонија. Во најдобар случај Дуе би играл на тој меч, но како резерва, додека Дембеле е тотално загубен за ПСЖ.

Не е исклучено и на клупата да не биде Луис Енрике што ќе ја направи уште потешка работата за актуелниот освојувач на Лигата на шампионите.