„Не знам дали заслуживме да победиме, но таков е фудбалот“

Континенталниот првак имаше два гола негатива во дуелот со Тотнем до 85. минута, но успеа да постигне два гола во финишот и потоа на пенали да стигне до титулата во ова натпреварување. Тренерот на ПСЖ, Луис Енрике призна дека лондонскиот тим бил подобар во поголемиот дел од мечот и затоа не е сигурен дали победата на „светците“ е заслужена.

„Тешко ми е да зборувам за овој натпревар затоа што трениравме само 5-6 дена. Неверојатно е тоа што успеавме да победиме. Тотнем одигра извонреден меч, беше посилен и подобро подготвен од нас и затоа ни беше многу тешко. Не знам дали победата ни е заслужена, но таков е фудбалот и јас се радувам поради навивачите“, изјави Луис Енрике.

Ова беше петти трофеј за ПСЖ во 2025 година по оние во Суперкупот на Франција, домашното првенство, националниот Куп и Лигата на шампионите.