Меси: И да не ја освоев „Златната топка“, оваа година беше грандиозна за мене

02 декември 2019 - 22:45

Лионел Меси вечерва во Париз ја освои „Златната топка“ по шести пат во својата кариера.

За оваа престижна награда Меси зад себе ги остави Вирџил ван Дајк и Кристијано Роналдо, а Португалецот дури не се ни осмели да присуствуваат на церемонијата при доделувањето на наградата.

Аргентинецот им се заблагодари на сите за наградата и потсети дека поминаа 10 години од првата „Златна топка“, иако му делувало како вчера да било.

Сакам да им се заблагодарам на сите новинари кои гласаа за мене и се надевам дека се задоволни на сите континенти. Благодарност до моите соиграчи од репрезентацијата и клупскиот тим. И да победев и да бев поразен оваа година беше грандиозна за мене. Поминаа десет години од мојата прва „Златно топка“, тогаш имав 22 години, и не верував дека ќе ја освојам и шестата. Свесен сум дека годините минуваат и се уште уживам во овие моменти, Ви благодарам и добра ноќ, истакна Меси.