Ливерпул четврти клуб во историја со двоцифрен број на финалиња! (ФОТО)

03 мај 2022 - 23:13

Англиски Ливерпул, кој има шест европски титули во својата историја денеска го завери настапот во париското финале на крајот на месецов, а со тоа дојде до своето десетто финале во ЛШ и КЕШ во историјата.

„Црвените“ со ова десетто финале, а трето во последните пет години, станаа само четвртиот клуб кој успеал во најелитното и најпрестижно натпреварување да дојдат до двоцифрен број на финални мечеви.

Пред нив тоа го има најтрофејниот Реал Мадрид, кој има 16 финалиња од кои 13 евротитули, а италијански Милан и германски Баерн Минхен имаат по 11 финалиња. „Росонерите“ од нив освоија седум круни, а Баварците шест.

Ливерпул ќе се бори за нова европска круна и да дојде на второто место на вечната листа достигнувајќи го Милан, а моментно е трет најтрофеен заедно со Баерн.