Фернандеш за спас: Јунајтед дури во продолжението го „скрши“ жилавиот Копенхаген (ВИДЕО)

10 август 2020 - 23:38

Фудбалерите на Манчестер јунајтед како големи фаворити влегоа во вечерашниот четвртфинален дуел од Лига Европа против Копенхаген, но на крајот им требаа и дополнителни минути да го скршат отпорот на жилавиот противник и да победат со минимални 1-0.

Повторно во улога на спасител беше португалскиот интернационалец Бруно Фернандеш, кој умешно го реализира пеналот во 95. минута. „Ѓаволите“, сепак, заслужено дојдоа до триумфот, бидејќи имаа повеќе од играта и многу повеќе шанси и удари кон голот, како и два поништени погодоци, оправдано поради офсајд ситуации.

Данците умешно ја умртвуваа играта во најголем дел од средбата, а знаеја и да бидат опасни во нападот, без конкретна реализација. За доминацијата на англискиот тим доволно говори и односнот 14-0 во ударите во рамки на голот.

Манчестер Ј. Полуфиналниот противник ќе го добие утре, а тоа е подобриот од пресметката помеѓу Севилја и Вулверхамптон. Вечерва пласман меѓу четирите најдобри во ЛЕ обезбеди и Интер, со триумф над Баер Леверкузен (2-1).