ФЦСБ го торпедира Абердин, Брага испука „петарда“ против Линколн

28 август 2025 - 23:11

Романскиот тим ФЦСБ вечерва славеше со 3-0 во реваншот против Абердин и се пласира во групната фаза во Лига Европа, а таму место имаше и за Брага која со 5-1 го распарчи Линколн во реваншот.

Проблемите за поранешниот тим на Бојан Миовски почнаа во 44. минута кога Јенсен заработи исклучување, по што Олару стрелаше од пенал за 1-0.

ФЦСБ постигна уште два гола во второто полувреме, и тоа преку Сут и Олару, додека Абердин не успеа да одговори и продолжува во Конференциската лига.

Брага уште во првиот меч издоминира против Линколн и славеше со 4-0, додека во реваншот со 5-1 го декласира составот од Гибралтар.

Витор Карваљо и два пати Мартинез погодија во првото полувреме, по што Видигал и Виктор стрелаа во вториот дел за водство од 5-0, а на крајот Гомез го постигна почесниот погодок за поразениот состав.

Фото: Facebook/FCSB